Enrico Netzer di da sasez ch'i stoppia adina marschar insatge tar el, per exempel ussa durant la chatscha bassa cun ses chaun MAC. La quietezza en la val Farera saja dentant quai ch'al dettia energia. Il giuven selviclutur da revier raquinta en il Profil da ses respect da las plantas veglias en Val Avras - las veglias èn passa 700 onns veglias. El raquinta dentant er da ses hobi spezial - il taglialaina. En quest sport è el campiun d'europa sur tut las disciplinas ed en ina schizunt campiun mundial.
Il sport da taglialaina è la cumbinaziun da spertadad ed exactadad.