La biologia na limitescha betg nus, igl è la cultura.
Sco cura ch'ils umans eran chatschadurs e rimnadras avain nus anc adina il sentiment per gistadad. Da l’autra vart vivain nus en in mund ch’è influenzà da concurrenza, en il qual nus stuain guardar da nus sezs.
Ma nus vivain er en in mund legraivel. Bleras scienzas mussan adina pli exact co che noss passà è vairamain stà. Per exempel che noss antenats e nossas antenatas n’èn betg stads tups u primitivs. Quels eran fitg cooperativs.
Noss antenats na differenziescha nagut da nus, ni mental ni intellectual.
Sche nus vivain en il mund dad oz, lura manegiain nus che quai saja la realitad, la norma e che tut stoppia esser uschia. Ma quai na constat betg.
Nus avain la pussaivladad da midar nossa cultura e da crear ella pli degn.
Bleras chaussas che nus enconuschain ozendi èn svilups sbagliads istorics. Per exempel èn las structuras patriarcalas u possess exagerà quai ch’ha manà tar supressiun e pussanza. Ma quai datti pir dapi 5'000 fin 7’000 onns. 99% dal temp da l’istorgia umana avain nus vivì senza quai.
Bler è vegnì introducì cun violenza. Uschia che nus avain il dretg da metter en dumonda quai e da chattar en discurs communabels novas vias e novas schliaziuns.
