Europa è en ina transfurmaziun. Tut sa mida, i dat novas constellaziuns, grondas malsegirtads, dentant forsa era schanzas e sfidas ? Co vesan quai Rumantschas e Rumantschs che vivan en questa part da l'Europa ?
- Co èn ellas insumma sa tschentadas en l'Europa da l'Ost?
- Co è la vita en lur pajais?
- Co resentan ellas la situaziun politica actuala?
Impressiuns da Vienna
-
Bild 1 von 13. In dals cafés preferids da Seraina Caduff, il «Café Dommayer» . Bildquelle: RTR.
-
Bild 2 von 13. Sin ina spassegiada cun il microfon tras ils curtins da Schönbrunn. Bildquelle: RTR.
-
Bild 3 von 13. Dus pass davent da ses dachasa è «Schönbrunn». Bildquelle: RTR.
-
Bild 4 von 13. Lieu da sentupada per Rumantschs e Rumantschas a Vienna? Bildquelle: RTR.
-
Bild 5 von 13. A la tschertga da RTR a Vienna ;-). Bildquelle: RTR.
-
Bild 6 von 13. Grond ed in dals bajetgs marcants da Vienna – il dom da Son Steffan. Bildquelle: RTR.
-
Bild 7 von 13. Actualmain è il Sursilvan Bruno Cathomas da vesair en il «Burgtheater». Bildquelle: RTR.
-
Bild 8 von 13. «Kalrskirche» la damaun anc senza turists e turistas. Bildquelle: RTR.
-
Bild 9 von 13. «Hofburg» – pompus sco tut a Vienna. Bildquelle: RTR.
-
Bild 10 von 13. Scuvrir Vienna en in «Fiaker». Bildquelle: RTR.
-
Bild 11 von 13. «Mozart 2.0». Bildquelle: RTR.
-
Bild 12 von 13. Umor da Vienna ;-). Bildquelle: RTR.
-
Bild 13 von 13. Politica vegn scrit grond en il vair senn dal pled. Bildquelle: RTR.
Prisca Bigliel è da viadi e nizzegia la stad per ir ora – ir sur cunfin – per vesair, sentir, dumandar, mussar en il lieu sez – co ch'i va actualmain cun Rumantschas e Rumantschs en quest temp da midadas.
1. fermada: a Vienna tar Seraina Caduff
La Lumneziana viva dapi passa 25 onns a Vienna. L'amur e la scolaziun sco terapeuta d'art han manà la dunna da 49 onns en l'Austria. Cun ses partenari e ses figl viva ella da manaivel da «Schönbrunn» .
Per mai èsi daventà normal da viver en questa citad cun questas culissas pompusas.
Actualmain saja la situaziun puspè stabila, i vegnia discurrì bler dad immigraziun, era sche las cifras mussian in'autra realitad. Quai ch'ins sentia pli fitg saja la chareschia. Tut saja vegnì pli char, di Seraina Caduff.
2. fermada: a Belgrad tar Ivar Trippolini
Quatter onns ha il Samedrin vivì cun sia famiglia en la chapitala da la Serbia. Uss hai num returnar en Svizra, nua che sia dunna vegn puspè a lavurar per la Confederaziun tar la «DEZA» – la Direcziun per svilup e collavuraziun – da Berna anora ed el sez è avert nua ch'il viadi professiunal maina el. Il politolog ch'ha bajegià si ils ultims onns ina firma da marketing pudess schizunt s'imaginar da returnar a dar scola primara.
A Belgrad avain emprendì da sautar.
Impressiuns da Belgrad
-
Bild 1 von 10. Sin ina tura e sin in sitg tras Belgrad durant la notg. Bildquelle: RTR.
-
Bild 2 von 10. Streetart en las giassas da Belgrad. Bildquelle: RTR.
-
Bild 3 von 10. Dapertut èn da vesair fatschas da persunalitads da sport, cultura e politica. Bildquelle: RTR.
-
Bild 4 von 10. Dat quai «capuns serbs»? Bildquelle: RTR.
-
Bild 5 von 10. Clima continental cun temperaturas da bunamain 40 grads. Bildquelle: RTR.
-
Bild 6 von 10. A Belgrad vegn cumprà pli gugent sin martgà che en stizun. Bildquelle: RTR.
-
Bild 7 von 10. La vita capita ora sin via, savens cun far musica e saut. Bildquelle: RTR.
-
Bild 8 von 10. Dom dal S.Sava – ina da las grondas baselgias ortodoxas dal mund. Bildquelle: RTR.
-
Bild 9 von 10. Il Danubi è lieu da recreaziun e divertiment. Bildquelle: RTR.
-
Bild 10 von 10. A la chatscha dal tatgader da RTR – has chattà ? Bildquelle: RTR.
In grond problem da la Serbia saja la emigraziun, di l'um da 47 onns. Blers giuvens e bleras giuvnas bandunan lur patria ord mamancanza da perspectivas. Quai che pertutgia la relaziun tranter la Serbia e l'Uniun europeica dettia parallelas cun la Svizra, manegia il politolog: profitar gea, far part plitost betg.