Fabian Kolb - Maschinas, cussegliaziun, digitalisaziun e sport
Fabian Kolb è ina persuna che s'engascha en divers secturs. In grond engaschament ha il surmiran per il hockey en la regiun. El ha cun ses frars fundà il club dals Ela Eagles, è president dal club e sa gida adina e dapertut er sch'el abitescha atgnamain a Lachen SZ.
Fabian Kolb ha fatg l’emprendissadi da constructur da maschinas tar la Viafier Retica. Ussa è el cun ses agen biro cussegliader da firmas ed impressaris e di che blers problems savessan vegnir evitads cun reagir pli baud. Impurtant saja per el da cussegliar la branscha ch’el enconuscha e quai saja er il motiv ch’el saja anc adina en la branscha da maschinas. L’atgna firma da construcziun ha el vendì avant in pèr onns e s’engascha ussa er en il cussegl dal fatg da Grischun digital. Quai saja ina gronda sfida, dentant er fitg interessant e captivant, di il Surmiran ch’abitescha a Lachen SZ che passenta dentant bler temp en patria sin il glatsch cun ils Ela Eagles u sin e sper pista cun skis e snowboard.
Fabian Kolb – e ses sports preferids
1 / 5
Legenda:
Il president dals Ela Eagles er sco goali
Fabian Kolb
2 / 5
Legenda:
Er gugent sper via cun il mountainbike
Fabian Kolb
