En il film dal reschissur indonesian Edwin vai per in giuven um impotent, ch’è vidlonder da daventar creschì. Il film saja commovent, legher e divertent, ha giuditgà la schuria. La basa per il film victur è stà il roman cun il medem titel, dal scriptur indonesian Eka Kurniawan.
En la secziun «Cineasti del presente», la segund-impurtanta categoria dal festival – è il premi principal ì al Talian Francesco Montagner per ses film «Brotherhood». En quest film vai per trais frars da la Bosnia e lur bab, ch’è in predicatur islamic radical.
Il Festival da film Locarno è puspè stà in festival cun public, e l’emprima ediziun sut il nov directur artistic Giona A. Nazzaro.