Il bajetg da la fundaziun Nairs è il lieu da sentupada cun la presidenta da la CIR, cun Susanna Fanzun. Là pon els adina puspè mussar lur films. Films internaziunals, dentant quest onn era films rumantschs. Il motiv saja, da far visibel ils films ed era da tgirar in mument social. Impurtant saja oravant tut era la promoziun dal film rumantsch – per che quel chattia ils daners necessaris era en l'avegnir. Susanna Fanzun, sezza autura e producenta da film, declera tge che la CIR po far per ses commembers:
Las pussaivladads tecnicas per pudair realisar films, quellas sa midan svelt. Vitiers vegnan trends sco per exempel serias e plattafurmas da streaming. Fatgs ch'occupan era ils commembers da la CIR.
Sco tip persunal en il Magazin da cultura vegn tematisada l'amur al plaz da lavur. Quai cun il toc «Nachwehen» che ha gi quest'emna premiera en la Klibühni a Cuira. In toc, giugà da Felicitas Heyerick ed Annette Wunsch, la reschia fa Marco Luca Castelli:
Litteratura
Esther Krättli propona era quest onn in sguard en ils divers chalenders che vegnan ad accumpagnar lecturas e lecturs en quest 2020. Il segund da la seria è il «Chalender ladin».
RTR Magazin da cultura 11:00