La seria Filosofix è ina seria naziunala svizra da filmins dissegnads che duain animar a far ponderaziuns co i fiss sche... U er co ins avess reagì, sch’ins fiss stà en quella situaziun.
Radiotelevisiun Svizra Rumantscha publitgescha 4 ulteriuras episodas da films animads che animeschan a filosofar.
Gauguin
Ha Gauguin fatg la dretga decisiun, cura ch’el ha decidì da bandunar sia famiglia, da la laschar en paupradad ed ir a star e picturar a Tahiti? U co valitassan nus quai oz sche Gauguin n’avess betg gì success?
L'etica d'animals
Co è quai uss propi: Avain nus il dretg da trair e duvrar animals per mangiar lur charn u consumar lur ovs u lur lutg? E co fiss quai, sche creatiras ch’èn anc pli sviluppadas che nus umans faschessan il medem cun nus umans?
Pertge ha ina lieur num «lieur»e betg «gavagai»?
L'autur svizzer Peter Bichsel ha scrit l’istorgia «Ein Tisch ist ein Tisch». En quella fa el ponderaziuns co i fiss sch’ins schess tuttenina «maletg» al letg u «sutga» al svegliarin. Filosofix sa dumonda pertge ch’ins na po betg dir «gavagai» ad ina lieur.
Il paradox dal tat
Maschinas da passar tras il temp han adina puspè fascinà l’uman. I fiss bain fitg interessant da far ina visita a l’agen tat e guardar co el viveva avant blers onns. Ma i pudess capitar da tuttas chaussas...
RTR Telesguard 17:40