Avant bun 20 onns ha il skiunz lumnezian terminà sia carriera, era pervia da diversas blessuras. Uschia n’ha Franco Cavegn era betg pli pudì realisar il siemi d’astgar sa participar a ses quarts gieus olimpics il 2006 a Turin, insatge che haja dà ditg da morder. Avant er'el stà trais giadas a la partenza a gieus olimpics, il 1994 a Lillehammer (23avel), il 1998 a Nagano (14avel) ed il 2002 a Salt Lake City (15avel).
Sco giuven n’avess jau mai cartì ch’jau poss parter ina giada en la cuppa mundiala. Nus Lumnezians miravan adina vi sin ils da Laax cun in Coradin Cathomen e sa smirvegliavan, nus eran simplamain in pau pli pitschens.
Durant bun in decenni è Cavegn stà in dals megliers skiunzs svizzers da la cursa rapida. Tut en tut ha el cuntanschì 35 plazs sut ils top 10 en las disciplinas spertas. Malgrà ch’il grond success ha mancà cun gudagnar ina cursa da la cuppa mundiala, ina medaglia a campiunadis mundials u a gieus olimpics, saja el losch da sia carriera. En la cuppa mundiala hai tanschì duas giadas per in podest, dus plazs trais il 2001 a Garmisch-Partenkirchen ed il 2002 a Kvitfiell. In dals puncts culminants è però stà il 5avel plaz sin la legendara Streif a Kitzbühel il 1994.
Impressiuns da la carriera da Franco Cavegn
-
Bild 1 von 10. Suenter il 9avel plaz en la cursa rapida da Val d'Isère l'onn 2000. Bildquelle: Keystone.
-
Bild 2 von 10. Durant la cursa rapida dal Lauberhorn a Wengen il 1997. Bildquelle: Keystone.
-
Bild 3 von 10. Cavegn a la cursa rapida da Val Gardeina il 2001. Bildquelle: Keystone.
-
Bild 4 von 10. da san. Bruno Kernen, anteriura cussegliera federala Ruth Metzler, Franco Cavegn ed anteriur trenader naziunal Fritz Züger. Bildquelle: Keystone.
-
Bild 5 von 10. Concentraziun totala avant la partenza da la cursa rapida dal campiunadi mundial il 2003 a San Murezzan. Bildquelle: Keystone.
-
Bild 6 von 10. Partenza per la cursa rapida dal Lauberhorn il 2003. Bildquelle: Keystone.
-
Bild 7 von 10. Bildquelle: Keystone.
-
Bild 8 von 10. Trenament cun il nov dress da l'equipa naziunala il 1999. Bildquelle: Keystone.
-
Bild 9 von 10. Franco Cavegn sa legra da ses emprim plaz da podest en la cuppa mundiala. Terz en la cursa rapida il 2001 a Garmisch-Partenkirchen. Bildquelle: Keystone.
-
Bild 10 von 10. Nozzas da Franco Cavegn e sia dunna Denise Wolf a Maiavilla. Bildquelle: Keystone.
Dapi blers onns viva Franco Cavegn cun sia famiglia a Maiavilla. Il sport è adina restà sia gronda passiun. Oz organisescha el cunzunt events da sport sco heliskiing en il Canada u navigar a vela en Svezia, dasperas è il chavaltgar in da ses gronds hobis ch'el parta cunzunt cun sia dunna Denise Wolf da Cuira. Plinavant posseda l’anteriur skiunz sursilvan in agen vin.