Siglir tar il cuntegn

Header

audio
Franzestg ed Evelina Muoth – Ils 21-01-2005 ha midà lur vita
Or da Profil dals 02.03.2022.
abspielen. Laufzeit 57 minutas 3 Sekunden.
cuntegn

Franzestg ed Evelina Muoth Ils 21 da schaner 2005 ha midà lur vita

In grev accident sin via a la lavur ha midà tut en la vita da la famiglia Muoth da Breil.

Suenter in grev accident dad ir cun auto era Franzestg Muoth da Breil pli morts che vivs. Quest mument ha midà la vita dad el, da sia dunna Evelina e dals trais uffants ch’eran lura anc pitschens.

Franzestg Muoth ha rut bunamain tut l’ossa. Ma cunzunt la blessura dal tscharvè mudregia el anc oz suenter 17 onns. El è spert stanchels ed ha problems da sa concentrar.

Dals 21 da schaner 2005 n'hai jau naginas regurdientschas.
Autur: Franzestg Muoth Unfrenda da l'accident
Jau ma regord fitg bain. Quai è stà per mai brutal, quest di emblid jau mai.
Autur: Evelina Muoth È vegnida infurmada da la polizia dal accident da ses um

En l’ospital suenter l’accident è Evelina Muoth perfin vegnida confruntada cun dumondas da dar ils organs. Realisà tgi ch’el è e tge ch’è succedì, ha Franzestg Muoth pir en la rehabilitaziun a Valens.

Il medi ha vis mes futur en ina chasa da tgira , e quai ha scurlà mai.
Autur: Franzestg Muoth En la reha a Valens

Avant l’accident aveva Franzestg Muoth – ch’ha ina giada fatga la scolaziun da pur al Plantahof a Landquart – ina buna plazza tar l’arsenal federal a Cuira. Uss lavura el anc adina là, dentant cun in pensum pitschen ed el fa lavurs pli simplas. La passiun dad Evelina Muoth è la cuschina. Sia spezialitad il mument èn las turtas da nusch.

Tar mai sa adina insatgi vegnir dad isch en, jau hai adina insatge.
Autur: Evelina Muoth Cuschiniera passiunada

RTR profil 09:00

Artitgels legids il pli savens

Scrollar a sanestra Scrollar a dretga