Pertge stattan las dunnas adina en colonna avant las tualettas? Pertge èn lur blessuras en general pli grevas, cura ch’ellas han in accident dad auto? Pertge sa mintgin descriver ils sintoms d’in infarct dal cor dad in um, ma paucs san ch’in infarct guarda ora auter tar ina dunna? Pertge aveva l’emprima versiun da «Siri» miserias da chapir las dunnas?
Quai pudess tut avair da far cun il «Gender Data Gap», ina mancanza da datas, cura ch’i va per ils genders.
La Marella emprova da tschiffar ils motivs e las consequenzas da questa mancanza da datas, quai ensemen cun Gian Beeli (Uffizi federal dad egualitad tranter dunna ed um), Susanna Mazzetta (Post da stab chantunal per dumondas d’egualitad), Anita Simeon-Lutz (architecta e schefredactura da la revista «Das ideale Heim») e cun Mario Venzin (medi generalist).
-
Bild 1 von 4. Ils autos èn construids e testads tenor mesiras e musculatura dad in um. Perquai han dunnas savens pli grevas blessuras cura ch’ellas han in accident. Bildquelle: Keystone.
-
Bild 2 von 4. Cura ch’ina dunna ha in infarct dal cor, na vegn quel savens betg renconuschì. Blers e bleras na san betg ch’ils sintoms èn differents tar la dunna... Bildquelle: Keystone.
-
Bild 3 von 4. Vivain nus propi anc adina en ina societad concepida dad umens per umens e che constat pia mo per ina mesadad da la populaziun? Bildquelle: Keystone.
-
Bild 4 von 4. Cura che datas mancan èsi grev da sa far in maletg cumplessiv d’ina situaziun. Bildquelle: Keystone.