El sa numna «wasserista» ed è sco in barista per l’aua. Entant ch'il barista fa bunas stgimas sin il cafè, vul Gian Luis Cagienard fungar sco vusch per l’aua e sensibilisar per quest element. «Aua è bler dapli che be H2O», di el. Atgnamain è el però econom – e spezialisà per immobiglias. Ed era sch'el ha disditg sia plazza da manager tar ina gronda ditga gia avant trais onns per s’orientar nov en la vita e returnar a Scuol, è el uss fatschentà cun la situaziun d’immobiglias en Engiadina.
D’ina vart s’engascha el en la societad Anna Florin per dapli spazi d’abitar per indigens ed il medem mument venda el la chasa da ses bab. Ina artga gnanca tant impussibla.
En quest Profil raquinta Gian Luis Cagienard da larmas en Argentina, da ses onn sco ustier a Lavin e pertge ch’el savess gugent far ora pli bain cun il fier.
In’ura cun biografias, destins, istorgias ed experientschas da giuven e vegl ch’han da dir u da raquintar insatge.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.