Siglir tar il cuntegn

Exposiziun a Cuira «Co che la lingua inventa il mund» – sin maletgs e sculpturas

Las salas grondas dal segund plaun sutteran dal Museum d'art a Cuira èn emplenidas cun maletgs e sculpturas. Ovras d'art grondas e pitschnas, modernas e veglias, ovras da blera colur, ed ovras senza colur. Il sulet tratg communabel che colliescha las ovras: la lingua.

L'exposiziun actuala dal Museum d'art da Cuira sa deditgescha a la tematica «lingua». Da vesair èn maletgs e sculpturas d'artists ed artistas sco Not Vital u Erica Pedretti. Part da l'exposiziun fan er texts litterars, per exempel da l'autura rumantscha Gianna Olinda Cadonau u er dad Asa S. Hendry.

Lingua ha ina pussanza enorma
Autur: Damian Jurt Curatur da l'exposiziun

Diari da viadi

In element central da l'exposiziun è il diari da Gion Casper Collenberg. Durant il 18avel tschientaner è el viagià a Mauritius. Durant il viadi ha el scrit in diari davart las aventuras passentadas.

Tranter auter ha el era raquintà da la mar, u pli exact dal fluss e refluss. Da quel temp n'existavan pleds sco fluss u refluss dentant betg anc. Uschia ha Gion Casper Collenberg circumscrit els. Ord in plaid sa sviluppava in maletg.

Ausstellung «Wie Sprache die Welt erfindet»
Legenda: Redacziun rtr

A partir dals 24 da favrer è l'exposiziun en il Museum d'art a Cuira averta per il public.

RTR actualitad 17:00

Artitgels legids il pli savens