Ida Spinnler accumplescha quest onn ses 100avel anniversari. Ella guarda enavos sin in tschientaner turbulent, sin sia vita muventada: Quella ans maina da l'uffanza sco figlia da Randulins en l'Italia, en il mund dals artists a Paris ad ina vita dira sco mamma singula cun trais uffants ils onns 60 en Svizra. «Damain cha tü hast, plü libra cha tü est», concluda Ida Spinnler – er sche sia vita è stada tut autra che simpla.
-
Bild 1 von 11. Ida Spinnler mussa ses archiv da fotografias il favrer 2024. Bildquelle: RTR.
-
Bild 2 von 11. Ida Cuorad sco poppina, ensemen cun sia sora Irma e ses frar pli vegl Adolf a Piacenza. Bildquelle: Ida Spinnler.
-
Bild 3 von 11. La famiglia dad Ida en vacanzas a Lavin l’onn 1935. Il bab Jon (Giovanni) Cuorad, la sora Irma, amez Ida, la mamma «Miggi» ed il frar Adolf. Bildquelle: Ida Spinnler.
-
Bild 4 von 11. Ida l’onn 1939 fotografada da sia onda fotografa Gitti Branger da San Murezzan. Bildquelle: Ida Spinnler.
-
Bild 5 von 11. Ida Spinnler a Paris la primavaira 1953. Bildquelle: Ida Spinnler.
-
Bild 6 von 11. Ida Spinnler cun ses um Ralf Spinnler il 1953. Bildquelle: Ida Spinnler .
-
Bild 7 von 11. Ida Spinnler cun sias figlias Katrin ed Anna (sin bratsch) l’enviern 1959 a Lavin. Bildquelle: Ida Spinnler.
-
Bild 8 von 11. Ida Spinnler fotografada dal fotograf Roland Schneider l’onn 1960. Bildquelle: Ida Spinnler.
-
Bild 9 von 11. Ida Spinnler l’onn 1980 ad ina festa. Bildquelle: Ida Spinnler .
-
Bild 10 von 11. L’onn 2005 sin porta da sia chasa a Lavin. Bildquelle: Ida Spinnler .
-
Bild 11 von 11. Ida Spinnler l’onn 2006 ad in’exposiziun da ses um barmier Rolf Spinnler davant in purtret ch’el aveva fatg dad ella. Bildquelle: Ida Spinnler.
Sco uffant surviva ella il tifus, sco giuvna ina guerra e sco creschida ina vita tranter lavur, famiglia e migrenas. Uschè bain sco cun bunamain 100 onns na saja anc mai ì cun ella. Ma Ida Spinnler sa dumonda il medem mument quant vegls ch'ils umans dastgan insumma vegnir. Questa Marella è in panopticum tras in tschientaner or d'ina vista fitg persunala e fa las dumondas tge ch'i dovra per la fortuna e cur ch'igl è temp per ir.