Murdraretsch en muntogna – il boom dal crimi regiunal
41:40 min, ord Marella dals 21.05.2023.
Maletg: Anetta Ganzoni
laschar ir. Durada: 41 minutas 40 Secundas.
Gnac in nivel al firmament, las muntognas ennavadas glischan sco argient en il sulegl, tut para paschaivel en il Grischun. Ma tgi che sa leger sa: Sut il tschiel blau èsi privlus. Suenter mintga laresch mellen po sa zuppar in morder, en mintga sfendaglia da glatscher fraida ina bara.
Ils crimis regiunals – ina sort guid da viadi+
1 / 6
Legenda:
Ins vesa –
quests cudeschs, ils crimis regiunals dal Grischun, vegnan legids en biblioteca.
RTR
2 / 6
Legenda:
+12 cudeschs / onn –
la muntogna da crimis regiunals grischuns crescha ad in crescher.
RTR
3 / 6
Legenda:
Insatge per mintga gust –
ils crimis regiunals che giogan en il Grischun èn multifars, en regiun, istorgia ed ambiziun.
RTR
4 / 6
Legenda:
Viagiar cun in cudesch en il Tirol dal Sid –
crimis regiunals en ina spezia da guids da viadi plus.
RTR
5 / 6
Legenda:
Montalbano en Sicilia e Brunetti a Venezia –
l’autenticitad dal crimi regiunal contribuescha al success litterar da divers cumissaris.
RTR
6 / 6
Legenda:
Viadis en culturas lontanas senza bandunar il canapé –
sco per exempel cun l’autur chinais Qiu Xiaolong.
RTR
Quasi che Massimo Capaul, Giulia de Medici, Matti Coray e consortas sa stattan in a l’auter sin ils pes, tants policists e schefinvestigaturas lavuran instancablamain en il mund dal crimi regiunal grischun.
Lur lavur vegn prendida sut la marella da scienziads sco Thomas Barfuss da l’Institut grischun per la perscrutaziun da la cultura u da la romanista Annetta Ganzoni, ma er da las bibliotecaras Claudia Denoth e Marina Willi e l’editur Daniel Kampa.
Nos quintet investigativ per la Marella
1 / 5
Legenda:
El prenda sut la marella scientifica ils crimis regiunals –
Thomas Barfuss da l’Institut grischun per la perscrutaziun da la cultura.
RTR
2 / 5
Legenda:
Ella observa adina pli e pli interess per ils crimis regiunals –
la bibliotecara Claudia Denoth Pfister da la biblioteca Scuol.
RTR
3 / 5
Legenda:
Ella vesa adina puspè che dunnas legian dapli crimis che umens –
di la bibliotecara Martina Willi da Domat.
RTR
4 / 5
Legenda:
El sa tge che lecturas u lecturs vulan –
l'editur Daniel Kampa edescha divers crimis ed er da quels da stars grischuns sco Gurt e Calonder (Krohn).
Daniel Kampa
5 / 5
Legenda:
Ella enconuscha la litteratura da crimi rumantscha –
la romanista Annetta Ganzoni.
Anetta Ganzoni
E la Marella da RTR, quella è sa messa ensemen cun ellas ed els ad investigar in fenomen – quel dal boom dal crimi regiunal en il Grischun.
In fenomen, ch'interessa dal rest er la scienza. Proximamain èn planisadas in'occurrenza en Engiadina ed ina publicaziun grischuna:
Il crimi sut la marella scientifica
Avrir la boxSerrar la box
Il scienzià da litteratura e cultura Thomas Barfuss perscrutescha en il rom dad in project da l’IKG, l’Institut grischun per perscrutaziun da la cultura, il fenomen dal crimi regiunal che gioga en il Grischun.
L’idea a quella lavur è naschida dad in project che sa confunda cun il turissem en la litteratura.
La perscrutaziun da Barfuss duai vegnir publitgada sco cudesch il 2024. Il titel da lavur actual è: «Graubünden Mord. Krimis als heimliche Fremdenführer und unheimliche Heimatromane.»
Da Caratsch a Badraun, Bivetti, Klainguti e Parolini
Avrir la boxSerrar la box
Dals 17 als 21 da fanadur sa deditgescha questa stad er in seminari cultural en la Chesa Planta al crimi.
Istorgias criminalas èn generalmain fitg popularas, ed uschia n’èsi betg da smirvegliar ch'er auturas ed auturs rumantschs èn sa deditgads a quest gener.
En la litteratura naziunala ed internaziunala preschenta il gener savens ina disposiziun a la critica socioculturala liada al temp ed al lieu da l’acziun, scriva la manadra dal seminari cultural, la romanista Annetta Ganzoni en ina communicaziun.
In dals hot spots da crimis da differents models en tudestg, talian e rumantsch è l’Engiadin’Ota. En ses seminari da cultura vul Annetta Ganzoni contextualisar raquints criminals puters publitgads dal 1952 al 2022 ed approfundar lur focus tematics e tips da narraziun.
