Christian Schocher è creschì si a Puntraschigna. Suenter la scola media evangelica a Samedan fa el in emprendissadi da fotograf a Cuira. Cun 21 onns surprenda el il Cinéma Rex a Puntraschigna che tutgava dapi il 1958 a ses bab. Il 2013 surdat el ses kino a mauns giuvens. Christian Schocher è autodidact. En ses emprim film Corsin Fontana und seine Objekte daventan ils objects da l' artist Corsin Fontana ils protagonists dal film. Ses emprim film lung è Die Kinder von Furna 1973-75. Il pli enconuschent film da Christian Schocher Reisender Krieger (1981) vala enfin oz sco in’ovra unica/singulara en l'istorgia dal film svizzer.
Tranter 1998-2011 realisescha Christian Schocher ina trilogia per la Televisiun Rumantscha. Il 2015 obtegn el il Premi grischun da cultura. Christian Schocher viva a Puntraschigna, el e maridà ed ha quatter uffants.
Entgins films per RTR
| 1998 | Paun jester ha siat crustas |
| 2002 | Giuventetgna dultsch utschi |
| 2012 | Egliadas |
