Sco dunna giuvna ha Carla Flepp fatg in viadi tras il Mexico, cun autostop. Nunprivlus n'è quai betg stà, ma igl è schabegià nagut cun excepziun ch’insatgi ha engulà il pass e la carta da credit.
Oz na savess jau betg sche jau faschess quai anc ina giada.
Blers onns ha Carla Flepp manà ensemen cun ses um in manaschi puril da bio a Curaglia. Ma sco dunna giuvna na vuleva ella betg maridar in pur, e n’er betg in scolast da skis. Cun ses um Giusi ha ella dentant survegnì omadus. Suenter ch’ils Flepps han laschà vi il manaschi puril, ha ses um surpiglià la scola da skis a Mustér.
