Siglir tar il cuntegn

Header

audio
Da fossas, flurs e reglaments – plantas sin il santeri
Or da Vita e cretta dals 27.11.2022. Maletg: RTR Isabella Jäger
laschar ir. Durada: 6 minutas 19 Secundas.
cuntegn

Il santeri Daleu a Cuira Sco glisch en il stgir – flurs e plantas sin santeri

In'exposiziun da las orticulturas da Cuira mussa, co che flurs e plantas pon consolar sin santeri.

Bostga auta, vias cultivadas, a dretg’ed a sanestra lieus per il pos etern, qua e là ina glisch eterna en il stgir. Sco qua sin il santeri Daleu vegni er sin auters santeris pli quiet cur ch’i va vers enviern. Avant quest temp stat dentant anc ina fasa d’operusitad, lura numnadamain, cur che confamigliars u ortulanas fan si  las fossas.

audio
Per tedlar
ord Vita e cretta dals 27.11.2022. Maletg: RTR Isabella Jäger
laschar ir. Durada: 6 minutas 19 Secundas.

Spassegiond tras il santeri Daleu ves'ins dentant che l’emplantaziun è daventada tar blers main opulenta. «Gea» di l’ortulana Michela Projer da Cuira, che tgira ensemen cun ses collegas ortulans tschients da fossas sin tschintg dals otg santeris da Cuira:

Igl è sa midà fitg. Ozendi èsi pli filigran, cun bler da la natira.
Autur: Michela Projer ortulana, Cuira

Er sch'igl n'è betg pli en il trend dad avair decoraziuns ritgas sin las fossas, saja tuttina da sa tener vi dad in tschert urden sin santeri. Massa blera reducziun na tolereschia quel numnadamain betg:

Igl duai avair insatge verd u fluras, betg be crappa. Quai na permetta l'urden da santeri betg.
Autur: Regina Catschegn Uffizi da sepultura, Cuira

Per Urs Tischhauser, il manader da l'orticultura da la citad da Cuira, saja insatge pli che cler, e quai punctuassan els da l'orticultura adina puspè:

Il santeri n’è betg qua per ils morts, ma per ils vivs e quels duajan nizzegiar el er pli fitg.
Autur: Urs Tischhauser manader da l'orticultura da la citad, Cuira

Ensemen cun questas trais persunas è la Vita e cretta spassegiada tras il santeri Daleu – en occasiun da l'exposiziun da flurs da santeri, che l'Uffizi da sepultura e l'orticultura da la citad da Cuira han fatg l'atun ensemen cun affars d'orticultura da Cuira.

Vita e cretta 08:03

Artitgels legids il pli savens

Scrollar a sanestra Scrollar a dretga