-
Bild 1 von 7. Dal grandhotel a la ruina –. l'istorgia da l'hotel laschà flurir la fantasia. Bildquelle: RTR / Isabelle Jaeger.
-
Bild 2 von 7. Reminiszenzas dal fieu –. il Waldhaus viva vinavant en la memoria, en albums da fotografias e sco souvenir sin curunas. Bildquelle: Isabelle Jaeger.
-
Bild 3 von 7. Qua era il Waldhaus –. uss è restà be anc il bigl. Bildquelle: RTR / Isabelle Jaeger.
-
Bild 4 von 7. Igl è succedì en primavaira –. il grandhotel Waldhaus Vulpera è vegnì dà fieu ils 27 da matg 1989. Bildquelle: RTR / Isabelle Jaeger.
-
Bild 5 von 7. Algordanzas al fieu –. Rolf Zollinger cun in sfradader da vin lieuà en l'incendi dal Waldhaus. Bildquelle: RTR / Isabelle Jaeger.
-
Bild 6 von 7. «Keine Ostergrüsse mehr!». il votum da disfiduzia dal persunal encunter ils giasts betg agreabels. Bildquelle: RTR / Isabelle Jaeger.
-
Bild 7 von 7. Ina pitschna part dal grond tesor –. i dà trais stgatlas cun radund 20'000 cartinas da giasts. Bildquelle: RTR / Isabelle Jaeger.
Actualmain è el puspè en las lingias grassas. Questa giada betg, pervi ch’igl è puspè passà ina cifra dad onns radunda suenter sia fin, suenter l’incendi dal 1989, ma pervi dad ina cartoteca da trais stgatlas. Trais stgatlas, che cuntegnan 20’000 cartinas da giasts. Quai èn 20’000 differents destins ed in unic numnader cuminaivel, il Waldhaus.
Rolf Zollinger, l’ultim directur dal Waldhaus, ha decis, da publitgar las cartinas. Quai ha el fatg ensemen cun il fotograf austriac Lois Hechenblaikner e l’istoricra da cultura Andrea Kühbacher.
Il Waldhaus viva vinavant er en la memoria da l’hoteliera ed affarista Annatina Pinösch, descenta da la dinastia d’hoteliers Pinösch che aveva surpiglià ed expandì la pitschna fracziun purila da Vulpera ad in lieu da renum internaziunal per la haute-volèe europeica.