48 squadras participantas, 3 pajais ospitants e var 1’000 maletgs ch’èn necessaris per cumplettar il quadernin legendar da Panini – il champiunadi mundial da ballape l’onn 2026 è definitivamain pli grond che mai. Quai ch’è restà, ed er quai vegn a restar la constanta en tut quest’istorgia, è la fascinaziun ballape.
Quella fascinaziun che sa basa sin simplamain savair prender ina balla, independenta da tgi ch’ins è e nua ch’ins è, e da pudair giugar.
Tge è la fascinaziun ballape?
-
Bild 1 von 11. Gianni Infantino – president FIFA, cun il premi da pasch e Trump. «In ballape n'è nagina balla ordinaria. Igl è in object magic che transfurma immediatamain uffants e creschids en persunas cuntentas. Cur che ti la tutgas, cumenzas ti a surrir.». Bildquelle: Keystone.
-
Bild 2 von 11. Pelé – icona da ballape brasiliana. «Ballape è il pli bel gieu dal mund.». Bildquelle: Keystone.
-
Bild 3 von 11. Granit Xhaka – capitani da la naziunala svizra per ir al CM 2026. «En il ballape decidan millimeters e secundas – gist quai renda quest sport uschè brutal ed a medem temp uschè bel.». Bildquelle: Keystone.
-
Bild 4 von 11. Xherdan Shaqiri – star d'offensiva, il favrer 2026. «Cura che ti vas sin il plaz sco pitschen mat, na pensas ti betg a daner u contracts. Ti vuls simplamain avair questa balla al pe.». Bildquelle: Keystone.
-
Bild 5 von 11. Manuel Akanji – defensur naziunal svizzer, uss tar Inter Milan:. «Jau vi er gudagnar mintga gieu en in turnier. Sco giugader da Manchester City sun jau usità da vulair gudagnar mintga gieu.». Bildquelle: Keystone.
-
Bild 6 von 11. Gilbert Gress – trenader passiunà, il 2007 . Ballape è sco in toc teater. I na dat dentant nagin scenari ed il public è pro tar scriver la fin. Bildquelle: Keystone.
-
Bild 7 von 11. Köbi Kuhn – tar partenza sco trenader naziunal svizzer 2008 . Ballape è uschè interessant, perquai che nagin na sa, co ch’il gieu va a fin. Bildquelle: Keystone.
-
Bild 8 von 11. Gary Lineker – star da ballape englais al CM 1986. «Ballape è in gieu simpel: 22 umens curran suenter ina balla per 90 minutas e a la fin gudognan adina ils Tudestgs.». Bildquelle: Keystone.
-
Bild 9 von 11. Jürgen Klopp – trenader da cult tudestg il 2024. «Ballape è emoziun. I sto far mal, i sto far cuntent, i sto at far fertig.». Bildquelle: Keystone.
-
Bild 10 von 11. Bill Shankly – meglier ditg la statua da la legenda da Liverpool. «Tschertas persunas crajan che ballape saja ina dumonda da vita e mort. Jau poss as segirar, igl è bler, bler pli impurtant.». Bildquelle: Keystone.
-
Bild 11 von 11. Sepp Blatter – anteriur president da la FIFA, 1998–2015 . «Jau era sco in missiunar per il ballape, hai vivì cun ballape, mangià, bavì, durmì. Il ballape, quai era tut per mai.». Bildquelle: Keystone.
Questa giada va la «Marella» sin in viadi tras l’istorgia dal ballape. Ella fa l’artg tranter il champiunadi dal 2006 en Germania e quel che stat uss davant porta. Sin il pastg per la Marella: il redactur da sport Gian Carlo Candinas, flancà da Georgina Janki e Livio Foffa.
E qua è il selfie empermess da Gian Carlo Candinas e Murat Yakin, dal qual che nus discurrin en la Marella: