In viadi en il sid - Romana Ganzoni: «Mes sid è là, nua che la mar sa chatta»

Da quel sid, lieu magic e bramà, betg be geografic ma er metaforic, discurra ella en la baterlada estiva da la Vita e cretta.

audio

Romana Ganzoni

08:48 min, ord Vita e cretta dals 10.07.2022. Maletg: RTR, Isabelle Jäger

laschar ir. Durada: 8 minutas 48 Secundas.

A dretga palmas ed in citroner e sin il schanugl in tigher. Romana Ganzoni sesa sin ina pultruna sco sin ina punt da promenada dad in bastiment da vapur transatlantic. Sin la dumonda nua che ses sid saja è la resposta clera:

Mes sid è là, nua che la mar sa chatta.

Il Sid ha ella en il cor. Las muntognas dador las fanestras èn dentant engiadinaisas. Nagina cuntradicziun, sch’ins taidla tiers a Romana Ganzoni. L'Engiadina saja latinitad en muntogna. Ina spezia da prolungaziun dal sid.

1 / 9

Legenda: Romana Ganzoni – cun Lulu a sanestra ed il sid en il cor. RTR,Isabelle Jaeger

2 / 9

Legenda: Tar mintga vair maletg dal sid tutga in tigher. RTR,Isabelle Jaeger

3 / 9

Legenda: Per far anc in zic gust al tip da viadi da Romana Ganzoni … Genua. Keystone

4 / 9

Legenda: E qua gist anc ina giada la vista da la Piazza Dante sin Genua. Keystone

5 / 9

Legenda: Il Palazzo Ducale a Genua. Keystone

6 / 9

Legenda: Il sid e l'Italia en spezial daventa suenter la guerra destinaziun da brama cuntanschibla – qua Nervi l'onn 1946. Keystone

7 / 9

Legenda: Souvenirs dal sid – in avust 1946 sa laschan fotografar turistas e turists al mar tar Nervi, gist sper Genua. Keystone

8 / 9

Legenda: Suenter la guerra vai amunt cun l’economia e quasi tut il nord sa renda a la Mar mediterrana – anc ina giada Nervi l'onn 1946. Keystone

9 / 9

Legenda: Il port maritim pli datiers da la Svizra – l’onn 1932 sa prepara a Genua ina bartga da la cumpagnia Luckenbach Steamship Co. da New York per far viadi. Keystone