Siglir tar il cuntegn

Header

audio
125 onns Brass Band Cazas – il concert
Or da L'instrumentala dals 13.10.2021. Maletg: RTR, Hugo Schär
laschar ir. Durada: 59 minutas 55 Secundas.
cuntegn

Instrumentala 125 onns BB Cazas – il concert

Il 1896 è vegnida fundada la Societad da musica Cazas. Durant quests 125 onns è la societad sa transfurmada da la societad da musica a la Brass Band. En l'Instrumentala tedlain intgins tocs da lur concert da giubileum ch'è stà ils 2 d'october en la halla plurivalenta a Cazas. RTR ha registrà l'entir concert. Sco fil cotschen tras quest concert d'anniversari ha la BB Cazas elegì intgins tocs da patg e tocs da pensum che la musica ha tschernì per festas da musica chantunalas u federalas u er per la concurrenza naziunala da Brass Bands a Montreux. Er d'udir en l'emissiun è ina cumposiziun nova che la BB Cazis ha laschà far in giuven cumponist a posta per il giubileum. 

En l'Artg musical dals 24 d'october 2021 s'occupain lura pli fitg cun il giubileum da la BB Cazis cun registraziuns ord noss archiv e cun ulteriuras registraziuns dal concert per il giubileum da 125 onns.

Artitgels legids il pli savens