Igl è in schoc, temas, betg savair chapir, speranza – in sammelsuri da sentiments.
Dentant ha Madlaina 4 onns, è sauna e viscla e viva ensemen cun ses geniturs a Sevgein. Sia mamma lavura parzialmain sco pedagoga curativa a Vella. In studi ch’ella ha fatg durant dar scola.
Emprendì ha Iris Cadalbert scolasta ed ha fatg il seminari da scolastas a Cuira. Creschida si è ella en ina famiglia rumantscha. Ma tuttas scolas, inclusiv il seminari a Cuira, ha ella fatg per tudestg. Emprendì da scriver ha Iris Cadalbert in zic cun ils scolars primars da Trun ch’ella instruiva.
Ina da las grondas passiuns dad Iris Cadalbert è il chant. Ella chanta en il Cantus Firmus Surselva.
Il chant dat energia.
Ella saja cun il chant spert en in auter mund e possia tschentar giu cun chantar. Tar il chant è la pedagoga curativa vegnida tras sia mamma ch’ha adina chantà a chasa.