Ses mund è il mund dals bustabs, da las scrittiras, dals cudeschs e da las filosofias. Dentant na betg be il pled fascinescha l'anteriur professer da rumantsch era l'art figurativ. Uschia ha il collecziunader passiunà era rimnà sia entira vita figuras ed objects da las pli differentas culturas e religiuns.
Jau sun adina era stà in defensur dal patratg, respectiv da far segunds e terzs patratgs , quai ch'ins numna la speculaziun filosofica
En il Profil dat Iso Camartin in schatg da questas duas passiuns ed in'invista en ses pli nov cudesch che cumpara il proxim mais. Plinavant tradescha el co ch'el festivescha ses 80avel e tge recept ch'el ha per restar positiv er en la vegliadetgna.
Or da l'archiv
