Jachen Kienz ha gia fatg l’emprendissadi tar il medem patrun, nua ch’el lavura anc oz, bunamain 50 onns pli tard. Il Ramoschan da 64 onns viva cun sia dunna a Ramosch ed è il schef d’ina squadra da 43 persunas.
Segirezza e responsabladad
Ses team è responsabel per la segirezza da las vias en Engiadina Bassa e la Val Müstair, ina rait da radund 200 km lunghezza. Lavur, squitsch da garantir bunas vias hajan els durant tut l’onn.
Las pretaisas d’avair bunas vias e segiras en Engiadina Bassa, quellas èn creschidas ils ultims decennis marcantamain.
Sper sia lavur gioga la musica ina rolla centrala en la vita da Jachen Kienz ed er da sia famiglia. Il commember da la musica da Ramosch s'engascha dapi decennis per la promoziun e presidiescha l'Uniun da musica districtuala 1 en Engiadina Bassa.
En il Profil raquinta el dapli da sia vita professiunala ch'è adina stada colliada cun il Chantun Grischun, ma er da sia rolla durant las inquisiziuns en connex cun las cunvegnas da pretschs en Engiadina Bassa.