Jessica Spescha - «Jau port gugent colur sut la pel»
Sin l’idea da vegnir tatuadra è Jessica Spescha vegnida fitg tard, di ella en il Profil. Gia sco matta malegiava ella. Cura ch’ella ha laschà furar ses tattoo a Val ch’ella aveva malegià sezza, haja il possessur dal studio da tatuar a Val fatg vegnir Jessica sin questa idea.
Legenda:
Jessica Spescha en in da ses t-shirts ch'ella ha creà sezza.
Jessica Spescha
In emprendissadi sco tatuadra na datti betg. Emprender emprend’ins d’ina persuna che sa sco i va. E lura èsi da trenar. Ma tge sche la tatuadra fa in sbagl?
Jau emprov dad evitar sbagls. E be pitschens sbagls pon ins curreger.
Per tatuar dovri in maun quiet. Ed i dovra er inschign artistic. Ma bler è er simplamain artisanadi. La tatuadra Jessica Spescha ha sezza blers tattoos sin ses corp.
Jau hai si ventg animals sin mia pel. Ed in maletg è da l’aua fin en il tschiel.
Il meglier sa senta la tatuadra d’Andiast, che viva a Luven, en in vitg pitschen. Pli pitschen e meglier ch’igl è. Per ella èsi impurtant d’avair in chaun e giats e quai na va betg en in lieu cun bler traffic.
