«Jau avess gugent emprendì da charrar»
Naschida è dunna Jolanda ils 31 d’avust dal 1935 a Zorten sco sisavla dad otg uffants. La famiglia Thalparpan avevan in manaschi puril. Daners per laschar far las mattas in giarsunadi n’eran betg denturn. Perquai ha la giuvna Jolanda stuì bandunar en giuvens onns la famiglia per ir a far stagiun en hotels sco fantschella da chombras e sco camariera.
Jau turnava a chasa per gidar da lavar or la chasa e cuntschar, lura era puspè da turnar a la lavur.
Da quai en blers dis ed onns passai, la lavur ha dentant mai mancà a dunna Jolanda. 1964 ha ella maridà Giochen Rischatsch, in giuven um engaschà e lavurus, pli tard è el s’engaschà en la politica locala ed ha fundà l’interpresa fiduziaria Rischatsch a Lai. Jolanda e ses um han gì tschintg uffants. En onns da buna conjunctura han els cumprà sulom a Lai e construì ina chasa da pliras famiglias en il quartier Clois a Lai.
En il profil raquinta Jolanda Rischatsch da sia vita sco mamma, sco dunna d’in interprendider e co igl è stà da sa chasar en il quartier Clois a Lai l'onn 1974.