Nus essan savens en nossa bubble e vegnin savens gnanc sin l’idea da ir insanua per inscuntrar autra glieud.
Igl è giavischà discurrer in cun l’auter. Perquai hai ina gronda maisa, vi da la quala ins po seser ensemen e discutar. La gronda lavur fan voluntarias e voluntaris. Qua possian ins far tge ch’ins veglia. Ins possia manar per in’emna l’ustaria u era cuschinar cun scolaras e scolars, di Rita Gianelli.
La «Freitag-Abend-Bar» è in’iniziativa da voluntarias e voluntaris.
Treffpunkt Kulturpunkt n’è betg orientà ad in gudogn. Ma cun l’ustaria emprov’ins da cuvrir ils custs ed igl è manà professiunalmain. Uschia pon ins dir che Treffpunkt Kulturpunkt saja in’ustaria cun in focus sociocultural. Cun volunatris vegn lavurà perquai ch’i va per inscuntrar in l’auter. Ins profiteschia in da l’auter, di Rita Gianelli.
Igl è participativ. Jau na vegn betg be per gidar, jau participesch er.
Treffpunkt Kulturpunkt è in’iniziativa dal chantun Grischun en collavuraziun cun la Baselgia reformada. El sa chatta amez la citad da Cuira, a la Via Planaterra 11, davos il Hofgraben ed è avert da glindesdi fin venderdi.