Siglir tar il cuntegn

Header

audio
Elena Depuoz: «Mes ami è bainprest mes schef»
Or da Profil dals 13.02.2023. Maletg: RTR
laschar ir. Durada: 57 minutas 37 Secundas.
cuntegn

L'electricista Elena Depuoz «Questa pitschna herziga buoba na dumogna betg quai»

Talas reacziuns sin il bajetg hai dà dad umens. Ma ellas han motivà anc pli fitg Elena Depuoz, ch’ha fatg in emprendissadi sco electricista a Glion.

Las bleras reacziuns negativas sin ella sco electricista hai dà dad umens pli vegls. Els han manegià ch’ina dunna na possia betg far questa lavur. Suenter avair terminà la lavur eran ils umens dentant tuttina cuntents, di Elena Depuoz en il Profil da RTR. Tut auter dentant las dunnas pli veglias, lezzas avevan plaschair ch’ina dunna giuvna lavura sco electricista.

Sco dunna ston ins mussar bler dapli ch’in um.
Autur: Elena Depuoz Electricista

En connex cun la digitalisaziun manegia Elena Depuoz, che quella giaja bler memia spert. «Ozendi na pon ins strusch parcar l'auto senza telefonin perquai ch'ins na po betg pli pajar cun raps bluts. Quai è tut bun ed endretg, ma i dovra anc adina omaduas pussaivladads», di Elena Depuoz – ch'ha lavurà sezza per ina firma da rait da communicaziun.

Mes ami è bainprest mes schef.
Autur: Elena Depuoz

Elena Depuoz cumenza en paucs dis tar la fatschenta da ses ami – sco maun dretg u era maun sanester. E lez ha pir gist il cumenzament da l'onn cumprà questa firma, che fa installaziuns electricas.

Elena Depuoz steht vor einem Gestell.
Legenda: Elena Depuoz en il magasin da sia nova fatschenta. RTR

RTR Profil 09:00

Artitgels legids il pli savens