Siglir tar il cuntegn

Header

audio
In viva sin Sousa
Or da L'instrumentala dals 02.03.2022.
laschar ir. Durada: 1 minuta.
cuntegn

L'instrumentala In viva sin Sousa

Ils 6 da mars 1932 è mort John Philip Sousa, il patriot american e cumponist da 136 marschs. El vala sco retg da marschs. Ses probabel pli renumà marsch «The Stars and Stripes forever» tutga tar mintga festa americana. Ulteriurs exempels da marschs ord sia plima èn: «Liberty Bell», «Semper Fidelis», «The Thunderer» u «The Washington Post».

Sia vita

Avrir la box Serrar la box

John Philip Sousa nascha ils 6 da november 1854 a Washington D.C. sco terz uffant da João António de Sousa (americanisà: John Anthony Sousa) e da Maria Elisabeth Trinkhaus, oriundamain ina Tudestga. Il 1879 marida John Philipp Jane van Middlesworth Bellis. Ord la lètg sortan trais uffants: John Philip Junior, Jane Priscilla e Helen.

Ses bab ha inscrit John al Corps da marina dals Stadis Unids da l'America per uschia impedir ch'il giuven da 13 onns daventia commember d'in orchester da circus. Cun 17 onns survegn el il rang d'in musicist. Il 1875 banduna el la musica da la marina per returnar tschintg onns sco dirigent. Sut sia direcziun daventa la musica da marina la pli impurtanta musica militara dals Stadis Unids. Er grazia a las registraziuns sin plattas fonograficas vegnan ses marschs derasads e fitg populars. Intgins da quels tadlain en l'ura.

Il sousafon

Avrir la box Serrar la box
Legenda: A chaschun d'in inscunter da sousafons a Sviz. Keystone

Sin dumonda da John Philip Sousa creescha il constructur d'instruments James Welch Pepper da Philadelphia il 1893 il sousafon. Sousa vuleva ina tuba che po sunar envers ensi e sur il corps ora. Il 1898 construescha Charles Gerard Conn dal tuttafatg nov l'instrument. Quel daventa lura il model predestinà da Sousa.

Abunar la newsletter da cultura

RTR l'instrumentala 19:00

Artitgels legids il pli savens

Scrollar a sanestra Scrollar a dretga