Durant il temp da Nadal datti sin l'entir mund ina massa concerts da Nadal. Perquai avain decidì da laschar tadlar en l'instrumentala ina giada in concert ord la Germania.
Ils 17 da december 2017 ha il quintet d'instrumentalists «Brass Consort Köln» sunà en la sala festiva dal chastè Herten. L'ensemble è vegnì fundà il 2008 e sa cumpona da Peter Roth e Peter Mönkediek sin la trumbetta, Paul van Zelm corn, Fred Deitz posauna e sin la tuba Hans Nickel. Tuts tschintg umens èn er commembers da l'Orchester sinfonic dal WDR (Westdeutscher Rundfunk).
Els han sunà diversa litteratura per il temp da Nadal da cumponists sco Purcell, Vivaldi u er Grieg.
I sa tracta d'ina registraziun dal radio WDR ch'è gist sco RTR era commember da la EBU (European Broadcasting Union), l'uniun dals radios europeics.
