L'Italia stat en il center da questa Classica. L'Italia sco terra cun sias citads pictuescas e sias bellas piazzas. Nus udin musica che dechanta il bel paese, cumposiziuns d'Antonio Selieri (La fiera di Venezia), dal russ Pjotr Ilitsch Tschaikowsky (Capriccio italien, op. 45), d'Ottorino Respighi (La fontana di Trevi) e dal tudestg Felix Mendelssohn-Bartholdy (dus moviments da sia Sinfonia nr. 4 en A-Dur, op. 90 intitulada Italienische – 1. Allegro vivace e 4. Saltarello Presto). E garnida vegn quella musica sinfonica cun chanzuns napolitanas cumponidas da Francesco Paolo Tosti e chantadas dal grond tenor Carlo Bergonzi (Sogno, Non tamo pìu, La serenata e Mattinata).
Ils titels en l'emissiun
L’emissiun cun musica classica da differents cumponists ord tut las epocas. Interpretada d’orchesters e solists da renum.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.