Siglir tar il cuntegn

Header

audio
Nov cudesch: «La luna nel baule» da Daniele dell’Agnola
Or da Ura culturala dals 23.10.2021.
abspielen. Laufzeit 8 minutas 22 Sekunden.
cuntegn

«La luna nel baule» Tantas istorgias zuppadas en in arcun

En il nov roman «La luna nel baule» vegnan raquintadas episodas or da la vita d’ina dunna da la Val Bregaglia. Las regurdanzas vegnan cumbinadas cun eveniments da l’istorgia mundiala ed enritgidas cun detagls ch’èn naschids en la fantasia da l’autur.

L’idea da Jolanda Giovanoli è stada vairamain che l’autur Daniele dell’Agnola duaja curreger «due paginette», duas paginas cun regurdanzas ch’ella aveva scrit per sias figlias. Tut il project ha sa sviluppà tar in roman che descriva la vita da l’ustiera e patruna da l’hotel Val d’Arca a Stampa.

Objects or da l’arcun èn il punct da partenza per raquintar da muments plaschaivels e muments trists en famiglia, da viadis giu la Bassa ed a l’ester, ma era dals inscunters cun l’artist Alberto Giacometti.

Cun questa ediziun en trais linguas vul l’editura Pro Grigioni Italiano dad in vart intimar da tgirar il contact tranter las generaziuns, da l’autra vart porscher material didactic per las scolas che vegn mess a disposiziun gratuitamain sin sia pagina d’internet.

RTR Ura da cultura 11:00

Artitgels legids il pli savens

Scrollar a sanestra Scrollar a dretga