Siglir tar il cuntegn

Header

audio
«Frisal – Frisal»
Or da Marella dals 17.04.2022.
abspielen. Laufzeit 37 minutas 26 Sekunden.
cuntegn

La Marella «Frisal – Frisal»

La Marella sa fatschenta cun il musical «Frisal – Frisal» – quel da 1979 e quel da 2022!

Il 1980 fundescha Armin Caduff in ensemble che porta l’emprim il num Trubadurs Sursilvans e pli tard La Compagnia Rossini. Per celebrar ils 40 da quest ensemble sa decida el da cumponer in musical rumantsch che gioga en il vitg fictiv Frisal. Pervia da la pandemia arriva il musical ussa sin tribuna cun dus onns retard, ma cun tant dapli plaschair.

Jau hai puspè ina giada vulì scriver insatge agen ed il pli gugent scriv jau en quest stil da musical che regorda a Weill e Gershwin.
Autur: Armin Caduff cumponist e manader musical da «Frisal – Frisal»

«Frisal – Frisal» – la versiun da 1979 e quella da 2022

Il titel «Frisal – Frisal» as vegn insaco avant enconuschent ? Bain pussaivel, perquai che gia il 1979 aveva Armin Caduff scrit in musical rumantsch cun quest titel. Ed il success da quest’ovra ha lura era gì influenza sin la direcziun da sia carriera. Da preschentar ussa la cuntinuaziun da «Frisal – Frisal» è pia ina sort da punt enavos en il temp, ma cunzunt duai quest nov musical esser in regal a las generaziuns futuras.

La Marella cumpareglia ils dus musicals e fa visita ad intginas da las emprovas finalas da «Frisal – Frisal».  

RTR Marella 09:03

Artitgels legids il pli savens

Scrollar a sanestra Scrollar a dretga