Siglir tar il cuntegn

Header

audio
Il ciclus è dapli che mo sang…
Or da Marella dals 05.06.2022.
abspielen. Laufzeit 51 minutas 22 Sekunden.
cuntegn

La Marella Il ciclus – dapli che mo sang

En il decurs da sia vita menstruescha ina dunna circa 400 giadas, perda circa 28 liters sang e passenta en tut ca. 8 onns cun menstruar. Impressiunant avunda per che la Marella sa deditgeschia oz a quest tabu …

Era sch’el è insatge natiral e ch’el pussibilitescha il mantegniment da nossa spezia, è il ciclus feminin anc adina tabuisà: Blers discurran pli gugent da dis da frajas, d’avair visita ubain da l’arrivada da l’armada cotschna che da dir menstruar. Products menstruals vulan anc adina dar da crair ch’ina menstruaziun ideala saja «discreta», «schubra» ed «invisibla». Sch’ellas han in gramfli durant la lavur pretendan bleras dunnas plitost d'avair mal il chau che da proclamar ch’ellas menstrueschan.

Ma danunder vegn quest tabu, e na fissi betg uras d’al trametter a Chicago?

L’ultim temp fa la menstruaziun dentant era pli e pli savens si’entrada en las discussiuns politicas: Èsi propi en urden che dunnas pajan uschè autas taxas sin products menstruals? E fissi era d’introducir en Svizra in «congedi menstrual» per dunnas cun fermas dolurs, sco quai ch’i vegn bainprest ad esser il cas en Spagna?

En questa Marella raquintan diversas dunnas da lur emprima menstruaziun, dal viver cun dolurs, ma era dals muments nua ch’ellas han gugent lur ciclus. Davart dolurs betg necessarias, l’observar l’agen corp e las influenzas dal spiert sin noss ciclus vegnin nus a discurrer cun Graziella Montalta e Josianne Hosner.

dunna menstruaziun
Legenda: Maletg or dal cudesch «Kunskapens frukt» da Liv Strömqvist Astrid Alexandre

    RTR Marella 09:00

    Artitgels legids il pli savens

    Scrollar a sanestra Scrollar a dretga