Siglir tar il cuntegn

Header

audio
«L’ovra è inspirada dal lieu, e quel dat enavos insatge a l’ovra»
Or da Marella dals 26.06.2022.
laschar ir. Durada: 44 minutas 2 Secundas.
cuntegn

La Marella «L’ovra è inspirada dal lieu, e quel dat enavos insatge a l’ovra»

Cun l’illustratur Jon Bischoff fa La Marella in gir tras Vicosoprano, nua che la Biennale Bregaglia ha lieu questa stad.

Per la segunda giada ha lieu ina biennala d’art contemporan en Bregaglia, questa giada a Vicosoprano. Cun Jon Bischoff, ch’è tranter auter commember da la suprastanza da vischnanca e responsabel per la cultura, fa La Marella in gir tras l’exposiziun.

video
Biennala d’art contemporan en Bregaglia
Or da Telesguard dals 24.06.2022.
laschar ir. Durada: 3 minutas 32 Secundas.
Exponer en lieus insolits ed era valurisar lieus insumma betg idillics è ina schanza. Igl è in dialog tranter l’ovra ed il lieu.
Autur: Jon Bischoff abitant da Vicosoprano ed illustratur

Dapi bun 10 onns organisescha l’uniun «Progetti d’arte Val Bregaglia» occurrenzas d’art en la val. L’iniziativa è vegnida dal galarist Luciano Fasciati, e durant onns è el era stà quel che ha curatà ils projects. Per las proximas biennalas vul l’uniun dentant surlaschar il curatar mintg’onn ad ina nova persuna, quai per promover la variaziun.

Noss’uniun na vul betg colonialisar la val cun noss projects d’art. La populaziun duai era pudair decider e contribuir.
Autur: Silvia Hofmann commembra da l’uniun «Progetti d’arte Val Bregaglia»

Per l’ediziun da questa stad han las duas curaturas Anna Vetsch e Bigna Guyer incumbensà diversas artistas ed artists da sa fatschentar cun la Bregaglia e crear in’ovra sin mesira. Il resultat èn 12 ovras che n’èn betg simplamain «bellas», mabain che han in messadi, che pon provocar, far pel giaglina ubain er laschar dumondas avertas.

Artitgels legids il pli savens

Scrollar a sanestra Scrollar a dretga