Siglir tar il cuntegn

Header

audio
«Rendez-vous avec vous» – per il 100avel da Georges Brassens
Or da Marella dals 17.10.2021.
laschar ir. Durada: 41:56 minutas.
cuntegn

La Marella «Rendez-vous avec vous» – per il 100avel da Georges Brassens

L’emna proxima pudess Georges Brassens festivar ses 100avel natalizi. La Marella propona in rendezvous auditiv cun quest «Mani Matter franzos».

Tar nus è el bain main enconuschent che Piaf, Brel ubain Gainsbourg. Ma pertge insumma? Èsi forsa perquai ch’el n’ha en sasez mai vulì star en la publicitad (« La chanzun sto adina esser pli impurtanta che l’interpret»)? Ubain èsi perquai ch’el n’era betg gugent da viadi e sunava il pli gugent en il teater mo intgins meters sper sia chasa? Ubain èsi perquai che las finezzas da ses texts cumparan magari pir cun tadlar intginas giadas la chanzun («Jau na scriv betg ina chanzun per ch’ella vegnia tadlada mo ina giada»)?

En quest inscunter auditiv emprova La Marella da chapir quest «gorilla» ch’ha integrà uschè elegantamain blastemmas en sias chanzuns, quest um da «schletta reputaziun», quest anarchist, quest um che carteva uschè fitg en l’amur ch’el era encunter la lètg.  

Legenda: Il chantautur Georges Brassens (1921 – 1981) Keystone

RTR Marella 09:00

Artitgels legids il pli savens

Scrollar a sanestra Scrollar a dretga