I dat nagina basa istorica che di che Jesus haja anniversari ils 25 da december.
ll terz tschientaner han ins cumenzà a sa dumandar cura che Jesus è naschì. Il di da naschientscha era plitost la primavaira, di Mirella Candreia en «vita e cretta». La raschun che la naschientscha da Jesus vegn tuttina festivada ils 25 da december è ina raschun pragmatica. La primavaira datti cun Pasca gia ina festa religiusa.
En ils decurs dals onns èn bleras tradiziuns da Nadal sa sviluppadas. Tradiziuns sco il pignol da Nadal cun ruclas e decoraziun, la stalla, chanzuns e regals. Nadal è pia ina festa cun bleras tradiziuns ed usits. Cun Mirella Candreia sclerescha «vita e cretta» inqual misteri enturn quellas tradiziuns da Nadal.