Siglir tar il cuntegn

Header

Christian «Hitsch» Jenny, in grond musicant e cumponist
Or da La populara dals 21.04.2022. Maletg: MAD / Jürg Vollmer
cuntegn

La populara Christian «Hitsch» Jenny

Il musicant da vaglia è mort curt avant ses 95avel.

Da giuven è sta Christian «Hitsch» Jenny in sportist passiunà e durant ils onns 50 è el er stà sin ils patins per l'EHC Arosa, quella giada ina da las meglras equipas da la Svizra. Impressiunanta è er sia carriera musicala. La fin dals onns 60 ha el fundà il Schanfigger Schwyzerörgeliquartett cun Rolf Hess, Paul Mattli e cun Silvio Caluori – ch'è daventà pli tard in quintet, lura er anc cun ses cusrin renumà Josias Jenny.

Durant ils ultims decennis ha el cumponì 200 sauts e registrà sur 30 portatuns. Il musicant da vaglia è mort la fin da favrer curt avant ses 95avel ch’el avess pudì festegiar ils 24 d’avrigl. En la populara ans regurdain nus da Christian «Hitsch» Jenny e preschentain perquai in’ura cun sia musica e sias chapellas: il Schanfigger Schwyzerörgeli-Trio, il Schanfigger Ländlerquartett ed il Schanfigger Ländlerquintett, tut furmaziuns enconuschentas per lur stil original e genuin.

Podcast La populara

La musica populara dal Grischun e da la Svizra chatta ses lieu en questa emissiun.

Ulteriurs audios e podcasts

RTR La populara 19:00

Artitgels legids il pli savens