En noss archiv da musica datti millis e millis da tocs en furma digitala. Nus avain però er in archiv cun portatuns, bindels sonors, plattas fonograficas e discs cumpacts. Mintgatant vali la paina dad ir en quel archiv e d'ir en tschertga da raritads, registraziun veglias u simplamain da musica interessanta che nus n'avain betg anc en noss program. Da curt hai jau scuvert la chapella «Silvretta» ch'ha existì dal 1978 fin il 2001. Quai pudess esser ina chapella grischuna – è sta mia emprima reacziun. Però quai è ina furmaziun bernaisa che fascheva bella musica populara en il stil grischun, cun clarinettas ed orgelets. E perquai che quella ha registrà avant onns bleras bellas polcas, valsers, marchas e schottischs preschentain nus oz questa chapella e sia musica.
La musica populara dal Grischun e da la Svizra chatta ses lieu en questa emissiun.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.