Siglir tar il cuntegn

Header

Dus cumponists da vaglia dal chantun Berna
Or da La populara dals 20.01.2022.
cuntegn

La populara Lorenz Giovanelli e Hausi Straub

Giovanelli e Straub, lur chapellas e lur cumposiziuns

En la populara dad oz vuless jau preschentar sauts da Lorenz Giovanelli e Hausi Straub, dus cumponists da vaglia che han influenza bleras musicantas e chapellas. Dad els dus datti fitg blers tocs che vegnan sunads da numerusas chapellas en tut la Svizra.

Lorenz Giovanelli è naschi ils 18 da mars dal 1915 a Frutigen, mort è el ils 18 october dal 1976. Ses bab, oriund da l’Italia, era maina fabrica tar la construcziun da la viafier dal Lötschberg, sia mamma la figlia d’in inschigner. Gia d’uffant ha el cumenza a sunar l’orgelet ed il 1932 ha el fundà sia emprima chapella, la chapella «Alpengruss», cun Walter Isler, clarinetta – Hans Schmid, accordeon e Johann Grossen, cuntrabass. A partir dal 1941 ha el lavurà sco musicant da professiun ed ha accumpogna a blers auters tar lur producziuns, er sch’el na saveva betg leger e scriver notas e sunava tut ordador. Da Lorenz Giovanelli datti sur 250 cumposiziuns e durant sia vita ha el registrà sur 500 sauts cun differentas furmaziuns.

dus musicants
Legenda: Dus gronds musicants: Lorenz Giovanelli e Hans Fischer il 1959 MAD

Hausi Straub è naschì ils 17 da december 1928 a Welschenrohr e viva uss a Bienna. Cumenzà a sunar ha el pir cun 18 onns, al principi l’accordeon e pli tard lura l’orgelet che l’ha fatg vegnir enconuschent. Ils onns 60 ha el fundà il «Schwyzerörgeliquartett Hausi Straub», ha cumponi numerus sauts che èn daventads semperverds e che appartegnan tar il repertori da bleras chapellas. Er el, che ha emprendì a sunar l’orgelet sco autodidact, ha suna in pliras furmaziuns – er cun Lorenz Giovanelli.

In musicant
Legenda: Hausi Straub SRF

Artitgels legids il pli savens

Scrollar a sanestra Scrollar a dretga