Siglir tar il cuntegn

Header

audio
Ladina Simonelli-Zisler: Dar scola tut la vita?
Or da Profil dals 02.07.2022.
laschar ir. Durada: 55 minutas 21 Secundas.
cuntegn

Ladina Simonelli-Zisler «Jau na craj betg da restar magistra fin tar la pensiun»

La musica ed il chant sa tiran sco in fil cotschen tras la vita da Ladina Simonelli-Zisler. La dirigenta dal Cor mixt da Champfèr e da Las Filomelas da Samedan giauda la lavur tant cun creschids sco er cun uffants. La batgetta dal cor d’uffants «Las Filomelas» dat la Samedrina giu questa stad.

Per mai è quai segir in mument ferm emoziunal. Dentant sun jau loscha d’avair pudì lavurar cun ils uffants e giuvenils durant passa otg onns.
Autur: Ladina Simonelli-Zisler dirigenta «Las Filomelas»

Sco magistra lavura la dunna sportiva en in pensum da 50 % a la scola primara a Samedan. Dapi ch'ella dat scola saja sa midà bler. Ella n'è perquai er betg segira sch'i manca cul temp l'energia ed er la pazienza da lavurar cun uffants e quai enfin ch'ella va en pensiun. Il temp liber che resta – sper ils dus cors – passenta Ladina Simonelli-Zisler il pli gugent or il liber giugond a golf, sin pista u en lur chasina a Lai da Como en Italia.

 

Creschida si è ella sco unic uffant en l’affar famigliar da la furnaria Zisler a Samedan. Cuntinuar cun la tradiziun ed emprender furnera u pastiziera na saja betg stada in’opziun per ella. Fatg sez turtas da nusch per la marca «Zisler» ha ella dentant er gia ils ultims onns.

Artitgels legids il pli savens

Scrollar a sanestra Scrollar a dretga