Il cumenzament fa il rappunz Ivo Orlik:
Ivo Orlik: «Sche jau avess dad ir damaun...»
...lura vuless il rappunz Ivo Orlik ch'i stess scrit sin ses crap «el ha vivì», raquinta el en las dumondas filosoficas.
Sia vita è vasta – en il vair segn dal pled: Da la Surselva, Cuira e Turitg sur la scena da musica svizra fin a la vita da clubs a Berlin ed en l'Asia da l'Ost. Ivo Orlik, rappunz, interprendider e pledader dal pled sin via da la Vita e cretta, tschertga la «challenge», la sfida. El vegnia probabel adina a restar ina persuna ch'è adina plitost «in zic sin 180 che giu sin 90»:
Jau dovr in pau quellas «challenges» d'adina puspè far insatge nov, da carmalar ora insatge or da mamez. Quai hai jau sentì ils ultims onns e quai na chala probablamain mai.
Tge è il senn da la vita – ina gronda dumonda e nua che quella cumenza è per Ivo Orlik è cler, numnadamain tar la fin:
Perquai che ti na sas mai, cura ch'igl è a fin. La tema da la mort è crai jau schon era quai che giavina da tschertgar il senn da la vita.
Quella autra intensitad, sper il tempo da la vita da mintgadi sco persuna viscla da 32 onns, sa spievla en sia musica. Il 2016 ha el scrit ensemen cun Mattiu ina chanzun dal senn da la vita. Tranter sias publicaziuns che vegnan quest onn, sa fatschenta Ivo Orlik puspè cun il senn da la vita.
