La diala sin la cuverta cumpara mo en ina da las poesias da la nova collecziun da l’autur sursilvan Gion Battesta Spescha. La sessantina da poesias che l’autur ha scrit e rimnà ils davos onns cumpiglia lirica en rumantsch ed en tudestg.
La tscherna da temas è fitg vasta: muments dal mintgadi, sentiments, ponderaziuns filosoficas, observaziuns da la natira, inscunters cun animals. Las poesias èn curtas e per gronda part senza rima. Ellas intimeschan da far ponderaziuns davart las pitschnas chaussas dal mintgadi.
Legenda:
Gion Battesta Spescha (*1944) è oriund dad Andiast e stat a Wädenswil. Las scolas ha el frequentà ad Andiast e Vuorz. Alura ha el fatg l'emprendissadi tar la posta a Langnau am Albis. Suenter sia scolaziun dad informatica tar IBM, ha el lavurà blers onns sco programmader da computers. Uss giauda Spescha sia pensiun.
MAD
Intginas ovras:
- Smiulas. Poesias e limericks, 2009
- Differentas poesias en il Calender Romontsch
- Adina puspei. Poesias, 2017
- Sault dalla diala. Poesias, 2023
