La nova collecziun «be cun rispli» da Jachen Andry cuntegna poesias ch’èn naschidas en il decurs dals davos 25 onns. Quellas poesias descrivan in «jau» ch'è savens malsegir, che ha starment dad insumma exister, che metta en dumonda e che targlina. Ils texts raquintan era da la fragilitad e passageritad dals pleds.
be cun rispli disegn meis pled…
«be cun rispli» è resun da las chaussas che na dessan betg en egl, da vita vivida, retegnida, reflectada ed era temida. La lirica da Jachen Andry è tessida cun precisiun ed amur per detagls e nianzas. Il ritmus e la sonoritad da ses rumantsch la rendan tut atgna.