Durant onns ha Anna Cathomas lavurà en il biro da ses um. Ina chaussa era dentant adina clera: cun 50 na vuleva ella betg pli seser davos in computer! Ditg e fatg – ussa è ella dapi bun sis onns raquintadra da paraulas professiunala.
![Anna Cathomas – raquintadra da paraulas](https://www.rtr.ch/static/cms/images/960w/ea5e05.jpg)
Jau na sun betg Trudi Gerster. Jau hai mes agen stil da raquintar.
Dapi sia scolaziun tar la fundaziun MUTABOR (ina scola da paraulas e cultura da raquintar en il chantun Berna), raquinta Anna Cathomas pia paraulas a pitschen e grond, en rumantsch e tudestg. Ils classichers n’èn dentant betg quai ch’interessescha ella, mabain paraulas pauc enconuschentas, da quellas che tschiffan e commuventan, da quellas che laschan viagiar la fantasia.
Tip persunal
En ses film documentar «Von der Rolle» envida la cineasta Verena Endtner ad ina reflexiun enturn divers models da famiglia e la repartiziun da las lavurs tranter um e dunna. Tgi dals partenaris fa tge, cura, co e pertge? En il film vegnan trais pèrs purtretads cun sensibilitad ed umor e senza giuditgar.
La Reprisa
Il Cussegl federal propona da promover il rumantsch cun dapli daners ch'enfin uss. Quest augment duai ir a la FMR ed a la diaspora.
Litteratura
En la rubrica litterara preschenta Esther Krättli «Globi im Spital», novas aventuras da l’utschè blau cun las chautschas quadrigliadas.
RTR Magazin da cultura 11:00