Siglir tar il cuntegn

Header

audio
Valendau – teater è far viadis en il chau
Or da Magazin da cultura dals 15.02.2020.
laschar ir. Durada: 53:50 minutas.
cuntegn

40 onns teater a Valendau Teater è far viadis en il chau

La Gruppa da teater da Valendau è in gruppa fitg activa. Quest onn preschentan els trais tocs teater. Betg perquai ch'els pon era festivar il 40avel giubileum, mabain perquai ch'els fan simplamain fitg gugent teater.

Quest enviern, sa preschenta la Gruppa da teater Valendau cun il toc «Das Haus in Montevideo», ina cumedia da Curt Goetz. Quai è dentant pir l'emprim toc per il 2020. Il teater en il liber suonda la stad e quest'atun datti lura il terz toc. Far teater, quai saja ina buna moda e maniera per ir sin viadi en il chau, declera il reschissur Arthur Bühler. El, che maina tuttas giadas la reschia è in tip ruassaivel che vul laschar giugar ils acturs e betg explitgar memia bler.

Jau sai surdar fitg bain la responsabladad per la rolla a mintga singul actur.
Autur: Arthur Bühlerreschissur
in um
Legenda: Arthur Bühler, il reschissur da la Gruppa da teater Valendau El è dapi 40 onns passiunà teatrist e reschissur. RTR, Esther Berther

Leonie Bandli, ella è dapi intgins onns la presidenta da l'uniun dentant era ina da las pli activas acturas da la gruppa. Els sajan ina super gruppa cun ina buna atmosfera ed uschia saja quai pussibel da far uschè blers tocs en in onn, declera ella:

Era Thomas Buchli è dapi 20 onns commember da la gruppa da teater. Sa metter en ils chalzers d'ina autra persuna ed emprender d'enconuscher la vita en autras culturas, quai plascha ad el. Era questa giada ha el la rolla principala, motiv per daventar gnervus n'è quai dentant insumma betg:

Litteratura
Il carnet "Tulpen/Tulipanas" da Leta Semadeni è vegnì undrà cun il premi Josef Guggenmos per lirica per uffants.

RTR Magazin da cultura 11:00