Siglir tar il cuntegn

Header

audio
Il labor da Laax
Or da Magazin da cultura dals 23.11.2019.
laschar ir. Durada: 51:49 minutas.
cuntegn

Cularta Il labor da Laax

En la Cularta a Laax preschentan actualmain dudesch artists lur ovras. In sguard cun la manadra Yvonne Gienal.

«La Regiunala 19»: Uschia sa numna l’exposiziun actuala en il center d’art e cultura Cularta a Laax. Tranter 30 propostas inoltradas ha ina schuria selecziunà dudesch lavurs, vul dir sculpturas, fotografias, maletgs ed installaziuns.

Nus avain gia pudì dar in sguard avant l’avertura. Cun la manadra Yvonne Gienal avain nus discurrì davart il plaschair da pachetar or las ovras, tge che la schuria ha discutà e pertge ch’ils artists giuvens mancan.

En il medem mument concluda «La Regiunala 19» l’emprim onn da la giuvna instituziun Cularta – ina instituziun che n'è betg be gallaria, mabain er lavuratori per workshops e sala da concert. Nua maina il viadi vinavant? Cun Yvonne Gienal tirain nus bilantscha da l’onn passà.

En la rubrica litterara preschentain nus – per tut ils amis e las amias dal crimi – la publicaziun «Randulin» da Daniel Badraun, il quart cas da l’antierox Claudio Mettler.

RTR magazin da cultura 11:00