Siglir tar il cuntegn

Header

audio
Per tadlar – entira emissiun dal magazin da cultura
Or da Magazin da cultura dals 22.02.2020.
laschar ir. Durada: 52:06 minutas.
cuntegn

Magazin da cultura «In maletg sto tuffar da carstgaun» – Bruno Ritter, artist-pictur

En in chastè a Chiavenna tgira in dals pli lavurus picturs grischuns sia pissiun – dador il radar da las scenas usitadas e feuilletons da gasettas. Temp per ina visita.

Ils 7 da favrer ha Bruno Ritter retschavì il premi da renconuschientscha da la regiun Malögia. Il pictur, illustratur e cartoonist oriund da Schaffusa è vegnì avant 38 onns en la Val Bregaglia. Sapientivamain guntgescha el la scena d’art per avair uschia dapli temp per lavurar.

Tuttina n’è l’um da 68 onns betg in eremit. El s’interessescha per ils desideris, dubis e deblezzas da l’uman ch’el transfurma en ovras d’ieli, da rispli u da tusch. Ina giada regordan las ovras als maisters da la Renaissance, in’autra gia a cartoons ord gasettas da satira.

Nus avain inscuntrà Ritter en ses atelier malordinà a Chiavenna e discurrì cun el davart la fascinaziun per instagram, tge ch’in auto da posta ha da far cun muments religius e tge ch’ins po emprender da dilettants.

audio
Bruno Ritter: in purtret
06:53 min, Magazin da cultura dals 22.02.2020.
laschar ir. Durada: 06:53 minutas.
audio
Bruno Ritter e ses maletgs
06:47 min, Magazin da cultura dals 22.02.2020.
laschar ir. Durada: 06:47 minutas.

Litteratura – Erica Pedretti

En la rubrica litterara sa fatschentain nus cun ina giubilara. Ils 25 da favrer festivescha Erica Pedretti ses 90avel anniversari. Nus dain in sguard sin l’ovra litterara da la scriventa ed artista.

audio
Litteratura: La scriventa Erica Pedretti
05:42 min, Magazin da cultura dals 22.02.2020.
laschar ir. Durada: 05:42 minutas.

Tip persunal – Gilbert & George

Suenter prest 30 onns turnan las duas figuras legendaras da l’art concepziunal a Turitg. Ils dus seniors, maisters da la provocaziun e fervents defensurs da la libertad da s’exprimer, preschentan en la Kunsthalle ina retrospectiva che sveglia las mirveglias.

audio
Tip persunal – Gilbert & George
03:14 min, Magazin da cultura dals 22.02.2020.
laschar ir. Durada: 03:14 minutas.

Reprisa – Tonia Maria Zindel

Tonia Maria Zindel è ina da las pli renumadas acturas en Svizra. Ella ha giugà en blers films e serias ch’han gì grond success en Svizra. Tras ses engaschis ha ella pudì rimnar bleras experientschas en la branscha da film. Dentant la vita sco actura da professiun n’è betg mo splendur e traglischur.

audio
Reprisa – Tonia Maria Zindel
03:46 min, Magazin da cultura dals 22.02.2020.
laschar ir. Durada: 03:46 minutas.

RTR Magazin da cultura 11:00

Artitgels legids il pli savens

Scrollar a sanestra Scrollar a dretga