Suenter ses studis d’art a Basilea en ils onns otganta, fa il Grischun Conrad Jon Godly (*1962) in viadi en ils Stadis Unids da l’America. Là cumenza el a fotografar e bainprest daventa la fotografia ses mastergn. Durant bunamain ventg onns purtretescha el stars e prominents per illustradas e reclamas.
En il 2004 ha Conrad Jon Godly dentant avunda da quest mund glamurus. El lascha encrescher per sias ragischs geograficas ed artisticas. Uschia turna el en il Grischun, viva intgins onns en la tegia da ses tat e cumenza puspè a malegiar.
Godly sa tge ch’el vul. E tge ch’el na vul betg.
Ma ils emprims onns na mussa el betg ses maletgs – quai èn onns d’exercizi, per na dir da catarsis. Il motiv central ch’accumpogna el dapi ses return: las muntognas e la forza da la natira che po metter nus carstgauns sin pantun.
En ses art resent’ins la forza da la natira.
Bun diesch onns èn passads dapi che Godly ha lantschà sia segunda carriera: enstagl da viagiar tras il mund per fotografar stars, fa el ussa viadis per assister a las vernissaschas da sias exposiziuns!
Per il mument èn diversas ovras dal pictur artist da vesair en la Stalla Madulain, il link avra en ina nova fanestraavrir en il browser.
Litteratura
Esther Krättli propona era quest onn in sguard en ils divers chalenders che vegnan ad accumpagnar lecturas e lecturs en quest 2020. La seria vegn lantschada cun il «Chalender ladin».
RTR Magazin da cultura 11:00