Siglir tar il cuntegn

Header

audio
«Sa fatschentar cun paraulas è sco da far terapia»
Or da Magazin da cultura dals 29.02.2020. Maletg: MAD Andrea Cathomas Jenny
laschar ir. Durada: 54 minutas 54 Secundas.
cuntegn

Magazin da cultura «Sa fatschentar cun paraulas è sco da far terapia»

Èn paraulas insumma anc relevantas en temps da Netflix e Youtube? Il Magazin da cultura discurra cun ina raquintadra professiunala e visita ina saira da paraulas a Breil.

Durant onns ha Anna Cathomas lavurà en il biro da ses um. Ina chaussa era dentant adina clera: cun 50 na vuleva ella betg pli seser davos in computer! Ditg e fatg – ussa è ella dapi bun sis onns raquintadra da paraulas professiunala.

Anna Cathomas – raquintadra da paraulas
Legenda: Anna Cathomas – raquintadra da paraulas MAD Andrea Cathomas Jenny
Jau na sun betg Trudi Gerster. Jau hai mes agen stil da raquintar.
Autur: Anna Cathomas raquintadra da paraulas

Dapi sia scolaziun tar la fundaziun MUTABOR (ina scola da paraulas e cultura da raquintar en il chantun Berna), raquinta Anna Cathomas pia paraulas a pitschen e grond, en rumantsch e tudestg. Ils classichers n’èn dentant betg quai ch’interessescha ella, mabain paraulas pauc enconuschentas, da quellas che tschiffan e commuventan, da quellas che laschan viagiar la fantasia.

audio
Anna Cathomas – raquintadra da paraulas
ord Magazin da cultura dals 29.02.2020.
laschar ir. Durada: 5 minutas 14 Secundas.
audio
Visita ad ina saira da paraulas a Breil
ord Magazin da cultura dals 29.02.2020.
laschar ir. Durada: 7 minutas 21 Secundas.

Tip persunal

En ses film documentar «Von der Rolle» envida la cineasta Verena Endtner ad ina reflexiun enturn divers models da famiglia e la repartiziun da las lavurs tranter um e dunna. Tgi dals partenaris fa tge, cura, co e pertge? En il film vegnan trais pèrs purtretads cun sensibilitad ed umor e senza giuditgar.

audio
«Von der Rolle» – in film documentar da Verena Endtner
ord Magazin da cultura dals 29.02.2020.
laschar ir. Durada: 3 minutas 2 Secundas.

La Reprisa

Il Cussegl federal propona da promover il rumantsch cun dapli daners ch'enfin uss. Quest augment duai ir a la FMR ed a la diaspora.

audio
La Reprisa: dapli daners per la promoziun dal rumantsch
ord Magazin da cultura dals 29.02.2020.
laschar ir. Durada: 3 minutas 50 Secundas.

Litteratura

En la rubrica litterara preschenta Esther Krättli «Globi im Spital», novas aventuras da l’utschè blau cun las chautschas quadrigliadas.

audio
Litteratura: La novas aventuras da Globi en l'ospital
ord Magazin da cultura dals 29.02.2020. Maletg: RTR, Esther Krättli
laschar ir. Durada: 4 minutas 58 Secundas.

RTR Magazin da cultura 11:00

Artitgels legids il pli savens